美心美意美心美意美心美意

Gucci全新唇膏系列包装、唇色都充满惊喜~ 洋溢荷里活电影的型格、时尚!

要将彩妆改革,从来都唔系易事,但Gucci创作总监Alessandro Michele今次就成功为大家带来好多惊喜!今次Gucci嘅彩妆改革由「终极利器」— 唇膏开始,单从包装上已经相当吸睛,打破以往黑金嘅唇膏筒设计,带来3款型格又时尚嘅包装,而且仲有唔同质感嘅唇膏,而唇膏更可以大玩mix and match,一望到已经令人心心眼!事不宜迟,一齐睇下你最钟意边款!

(Presented by Gucci)

唇膏大改革!灵感源自荷里活黄金时代女星

今次Gucci唇膏改革嘅灵感,源自荷里活黄金时代女星嘅迷人双唇。3个唇膏系列喺配方上都各具特色,而且每一支都散发出幽香嘅紫罗兰气息,令唇膏好似拥有魔法一样,令你瞬间蜕变!

柔滑显色:Rouge à Lèvres Satin

呢个系列嘅唇膏畀人嘅第一个感觉,系佢质感相当柔滑,涂上后就好似为双唇披上丝缎质感,而且色泽饱满,轻轻一涂已经相当显色。呢个系列一共有36款色号,当中有裸色系列、红色系列,仲有令人惊喜嘅黑色“Crystal Black”等等。讲个贴士畀大家知,黑色“Crystal Black”嘅颜色仲好适合用嚟做眼影,效果劲靓!听讲最受欢迎嘅唇色系暗红色504 Myra Crimson、鲜桃红色402 Valentine Fuchsia同亮红色401 Three Wise Girls,每一款都可以令你轻松塑造唔同造型,新手都可以carry得到!

Gucci全新唇膏系列包装、唇色都充满惊喜~ 洋溢荷里活电影的型格、时尚!(图1)

Gucci全新唇膏系列包装、唇色都充满惊喜~ 洋溢荷里活电影的型格、时尚!(图2)

Gucci全新唇膏系列包装、唇色都充满惊喜~ 洋溢荷里活电影的型格、时尚!(图3)

轻盈明亮:Rouge à Lèvres Voile

至于呢个系列嘅特色就在于佢质地轻盈,而且18款流行色号又靓又sharp,夏天用最啱!当中Marguerite Jade茶褐色、Eadie Scarlet猩红色同Marina Violet黑莓紫都好吸引,听讲呢个系列最受欢迎嘅唇色系夏天大热嘅珊瑚色301 Mae Coral,系回头率好高嘅唇色!

Gucci全新唇膏系列包装、唇色都充满惊喜~ 洋溢荷里活电影的型格、时尚!(图4)

抚平唇纹:Baume à Lèvres

Baume à Lèvres 系润唇膏系列,佢质感轻薄透光,当中3款色调分别系Joslyn Clari透明色系、René Pink红粉色系同Penelope Plum紫红色系,涂上后自然平滑,非常滋润,完美融合双唇,仲可以帮助抚平唇纹!

Gucci全新唇膏系列包装、唇色都充满惊喜~ 洋溢荷里活电影的型格、时尚!(图5)

手袋中最美物件!3款全新包装复古、时尚又型格!

Alessandro Michele曾经讲过:「唇膏也许是女人手袋中最美的物件。」所以喺今次改革入面,佢都花咗好多心思喺唇膏包装上面。喺复古彩妆嘅启发之下,今次嘅唇膏包装设计将品牌图案同现代色彩、设计元素交织,变成一样你爱不释手嘅小物,拎出嚟涂唇膏时都开心啲!

至于包装方面,一身金色包装嘅Rouge à Lèvres Satin烙上Alessandro Michele从Art Deco艺术中借鉴而来嘅装饰风格,将经典同时尚完美融合;而Rouge à Lèvres Voile嘅感觉就比较少女,佢采用金色底座配上象牙白色嘅唇膏管身,印有粉红玫瑰,整个感觉就好似印花壁纸一样复古,vintage得嚟好靓!最后当然唔少得Baume à Lèvres嘅绿松石色包装,呢种色其实系二战前流行嘅蓝绿混配色系,亦代表咗Alessandro Michele对颜色嘅一种迷思。

大玩layering混色!自由配搭出你最喜爱唇色

Gucci全新唇膏系列包装、唇色都充满惊喜~ 洋溢荷里活电影的型格、时尚!(图6)

Gucci全新唇膏系列包装、唇色都充满惊喜~ 洋溢荷里活电影的型格、时尚!(图7)

全新系列嘅包装同唇色吸引之外,大家仲可以自己试下玩唇膏mix and match,或者会得到意想不到嘅妆效!就好似用头先讲过????4种最受欢迎嘅唇色,都可以组成完美嘅混合方程式:将暗红色504 Myra Crimson同鲜桃红色402 Valentine Fuchsia混合,又或将珊瑚色301 Mae Coral加上亮红色401 Three Wise Girls,都可以混出充满惊喜嘅质感同色调,令唇妆更加百搭!其实喺今次Gucci彩妆改革入面,唇膏只系揭开序幕嘅第一步,其他全新面部彩妆即将马上登场,大家要密切留意!

未经允许不得转载:美心美意 » Gucci全新唇膏系列包装、唇色都充满惊喜~ 洋溢荷里活电影的型格、时尚!