美心美意美心美意美心美意

女性尿渗原来系因为盆底肌松弛!

好多女性都会私下有一个尴尬问题,但又唔敢同人讲,就系尿渗问题。而尿渗嘅其中一个原因,就系因为盆底肌松弛

(Presented by BTL)

点解会有尿渗问题?

有调查显示,本港约有2至3成妇女会受尿渗困扰,喺医学定义上只要尿液唔受控排出体外,就系尿渗,而大部分出现尿渗嘅女性都属于「压力性失禁」,女性出现「压力性失禁」尿渗问题,可能系年长、肥胖、生产或分娩时婴儿体重过大,甚或经常要蹲下,都会加重盆底肌的压力,当咳嗽、打喷嚏、大笑或提起重物时,尿液便可能出现泄漏。

尿渗, 盆底肌松弛

其实任何妇女都有机会出现盆底肌肉松弛,尿渗唔只系产后妈妈、肥胖或中老年女士嘅困扰,15岁少女因为精神压力出现膀胱过度活跃,或妇女三四十岁生育后、50岁收经后女性荷尔蒙减少,都可能引起尿渗困扰,所以我哋唔可以忽视!

相关文章:

尿渗问题影响生活

尿渗问题更会影响到我哋嘅生活,例如:咳嗽、跑步、大笑、拎重物、行楼梯或走路都会出现尿渗,令好多女性都好尴尬。咁究竟盆底肌喺边度?佢同尿渗有咩关系?对我哋女性有咩影响?今次我哋就揾嚟仁安医院妇产科余启文医生同我哋解说一下!

M:

Y:余启文医生

尿渗, 盆底肌松弛

M:盆底肌系咩嚟?如果盆底肌肉松弛会有甚么问题?

Y:盆底肌其实系近我哋「盆骨」,盆底肌肉由耻骨即阴毛以下隆起嘅硬骨,向后伸展至尾龙骨,分3部分围绕著尿道、阴道同埋直肠。如果盆底肌肉松弛,就会有尿渗问题,大部分出现尿渗嘅女性都属于「压力性失禁」,因女性嘅盆底肌肉负责承托膀胱、子宫同埋直肠,当盆骨底肌肉功能减退,失去承托力,严重会导致膀胱下垂、子宫跌出体外或影响大便等。

尿渗, 盆底肌松弛

M:盆底肌松弛嘅原因系咩?而因盆底肌松弛引致嘅尿渗问题系咪只有出现喺老人家身上?

Y:盆底肌松弛有好多原因,例如:生产、超重或肥胖、长期便秘、经常提取重物、长期咳嗽、年纪老化都会出现盆底肌松弛,所以盆底肌松弛引致尿渗嘅原因唔系只出现喺老人家身上。

M:如果无及早护理盆底肌,严重后果会点?

Y:如果无及早护理盆底肌,女性会出现「压力性失禁」尿渗问题,当咳嗽、打喷嚏、大笑或提起重物时,尿液便可能出现泄漏,就会好影响日常生活。

相关文章:

M:该如何锻炼盆底肌?或者点预防尿渗问题?

Y:可做盆底肌运动,方法系先仰卧著、坐著或站立著并将双膝微微分开,集中一起运用3部分嘅盆骨底肌肉,即尿道、阴道和肛门肌肉,慢慢收缩和向上提升这组肌肉,就好似忍尿,就会有一种「向内及向上收紧」嘅感觉,而另一个方法系可以用仪器帮助,例如私密修护椅、收阴仪器等,去刺激盆底肌收缩,可防止盆底肌下坠。亦应减少拎重物,小便及大便都唔好太用力。

 

原来平日唔太留意盆底肌嘅肌肉松弛,会引致我哋有尿渗问题,真系要好好注意啦!

未经允许不得转载:美心美意 » 女性尿渗原来系因为盆底肌松弛!